Halmashauri ya Tandahimba yapongezwa ujenzi wa ofisi 41 za walimu

Posted on: January 22nd, 2022

Na Kitengo cha Habari na Mawasiliano

Kamati ya Siasa ya Chama cha Mapinduzi CCM Mkoa wa Mtwara imeipongeza Halmashauri ya Wilaya ya Tandahimba kwa ujenzi wa ofisi 41 za walimu

Shule shikizi Amani  iliyopo kata ya chaume

Mbunge wa Jimbo la Tandahimba Mhe.Katani Katani akieleza kwa kamati ya siasa jinsi shule shikizi zinavyowasaidia watoto wanatembea umbali mrefu

Pongezi hizo zimetolewa na Kamati ya siasa  Januari 21,2022 ilipotembelea utekelezaji wa miradi ya maendeleo ndani ya Halmashauri ya Tandahimba,Mwenyekiti wa CCM Mkoa wa Mtwara ndugu Yusuf Nannila amesema jukumu liliopo ni wanafunzi  kuhakikisha wanaongeza bidii kwenye masomo ili kuongeza ufaulu katika Wilaya na Mkoa kwa ujumla

Kamati ya siasa ikitembelea miradi mbalimbali ya maendeleo

“Tumefanya ziara ya kutembelea miradi inayotekelezwa na ilani ya ccm,tunaipongeza Halmashauri ya Tandahimba kwa kumaliza miradi ya vyumba vya madarasa kwa wakati na  kujiongeza kwa kujenga ofisi 41 za walimu ambazo zitawasaidia walimu kukaa katika mazingira bora,nawapongeza sana kwa hatua hii,”amesema Mwenyekiti

Mwenyekiti wa CCM Mkoa wa Mtwara ndugu Yusuf Nannila akieleza jambo kwa wananchi wa Mambamba  (hawapo pichani) kwenye kituo cha afya cha Mambamba

Aidha katika ziara hiyo kamati ya siasa ilitembelea miradi ya elimu,afya na barabara ambapo imeridhishwa na  utekelezwaji wake na kusistiza kuwa  pale ambapo yameonekana mapungufu madogo madogo yarekebishwe kwa wakati sambamba na hilo imeagiza wakandarasi wa ujenzi wa barabara  ya Natosa kuhakikisha ujenzi unakamilika kwa wakati

Kamati ya siasa wakikagua ujenzi wa barabara ya Natosa inayojengwa kwa lami ikiwa inaendelea na ujenzi huo

Naye Mkuu wa Mkoa wa Mtwara Mhe.Brigadia Jenerali Marco Gaguti  ambaye alikuwa kwenye ziara hiyo amehimiza wananchi kuhakikisha wanafunzi wote wanakwenda shule na kuongeza bidii kwenye masomo yao

Mkuu wa Mkoa wa Mtwara Mhe.Brig.Jen.Marco Gaguti akiwahimiza wananchi wa kata ya Chaume Halmashauri ya Tandahimba kuhusu elimu

“Mkoa wa Mtwara suala la elimu bado lipo chini,niwaombe wazazi na walezi kuhakikisha wanafunzi wanahudhuria shule ambazo tayari zimefunguliwa kuanzia Januari 17,2022 lakini pia waongeze bidii katika masomo ili waweze kufikia malengo yao,”amesema Rc

Wakuu wa Idara na Vitengo wakiwa kwenye majumuisho ya ziara ya kamati ya siasa Mkoa wa Mtwara katika ukumbi wa mikutano wa Mkuu wa Wilaya ya Tandahimba

Aidha wanafunzi wa Wilaya ya Tandahimba wameishukuru serikali ya awamu ya sita kwa ujenzi wa vyumba vya madarasa 88 na kuahidi kuongeza bidii kwenye masomo yao ili waweze kufikia malengo yao

 

Wanafunzi wa sekondari ya Nandonde wakiwa darasani miongoni mwa madarasa saba yaliyojengwa katika shule hiyo

Halmashauri ya Wilaya ya Tandahimba ilipata kiasi cha shilingi Bil.1.76 fedha za mpango wa maendeleo kwa ustawi wa Taifa na Mapambano dhidi ya uviko-19 kwa ajili ya ujenzi wa vyumba 88 vya madarasa ambapo  ilijiongeza kwa kujenga ofisi za walimu 41 ambazo zimekwenda sambamba na ujenzi wa vyumba hivyo vya madarasa

 

Mkurugenzi Mtendaji Halmashauri ya Tandahimba ndugu Mussa Gama akifafanua  jambo kwa wajumbe wa kamati ya siasa Mkoa