HALMASHAURI 2 MKOA WA MTWARA ZASHINDA TUZO ZA VITENGO VYA MAWASILIANO SERIKALINI VILIVYOFANYA VIZURI UTOAJI WA HABARI ZA HALMASHAURI.

Posted on: June 18th, 2024

Halmashauri ya Manispaa ya Mikindani pamoja Halmashauri ya Wilaya ya Tandahimba zimeshinda tuzo katika kipengele Cha Vitengo vya Mawasiliano Serikalini vinavyofanya vizuri katika kutoa habari za Halmashauri na kuzingatia vigezo vilivyowekwa.

Hayo yamejiri katika Kongamano la Maendeleo ya Sekta ya habari na Kikao kazi Cha Maafisa Habari wa Serikali kilichofanyika katika Ukumbi wa Mikutano Mlimani city Dar es Salaam 

Tuzo hizo zimesomwa na Mkurugenzi wa Idara ya Habari Maelezo na Msemaji Mkuu wa Serikali Thobias Makoba mbele ya Rais wa Jamhuri ya Muungano wa Tanzania Mhe.Dkt.Samia Suluhu Hassan.

Miongoni mwa Halmashauri 184 zilizopimwa kwa utendaji kazi Halmashauri hizo zimeingia kwenye 20 Bora.

na Halmashauri ya Manispaa ya Mtwara Mikindani imekuwa ya 12 huku Halmashauri ya Wilaya ya Tandahimba ikiwa ya 16.

Aidha, Mhe.Dkt.Samia amewapongeza washindi wa tuzo wote akisisitiza Halmashauri kutumia Redio jamii kutangaza Maendeleo yanayofanywa na Serikali.