DED MWANZALIMA ATOA WITO KWA MAAFISA ELIMU KATA NA WALIMU WAKUU

Posted on: July 19th, 2023

Na Kitengo cha Mawasiliano

Mkurugenzi Mtendaji Halmashauri ya Wilaya ya Tandahimba Ndg.Mariam Mwanzalima ametoa wito kwa Maafisa Elimu Kata na Walimu Wakuu kuhakikisha wanasimamia utoaji wa elimu bora sambamba na kuwafundisha wanafunzi stadi za maisha

Amesema hayo Julai 19,2023 wakati akizungumza na Maafisa Elimu Kata na Walimu Wakuu wa Shule za Msingi 127 zilizopo katika Halmashauri ya Wilaya ya Tandahimba kwenye ukumbi wa Mikutano wa Halmashauri

" Nawashukuru kwa kunikaribisha,wito wangu kwenu mkasimamie utoaji wa elimu bora lakini pia wanafunzi wafundishwe stadi za maisha,kutunza mazingira yanayowazunguka  sambamba na shule kuanzisha  bustani ya mbogamboga,"amesema Mkurugenzi Mwanzalima