DC SAWALA AWASILISHA TAARIFA YA UTEKELEZAJI WA ILANI YA CCM.

Posted on: October 7th, 2023

Na Kitengo cha Mawasiliano 

Mkuu wa Wilaya ya Tandamba Mhe.Kanali Patrick Sawala amewasilisha Taarifa ya utekelezaji wa Ilani ya Chama Cha Mapinduzi (CCM) kwa kipindi cha  Januari hadi Juni 2023.

Dc Sawala amewasilisha  taarifa hiyo  Oktoba 7,2023 kwa Wajumbe wa Halmashauri Kuu ya Chama Cha Mapinduzi (CCM) Wilaya ya Tandahimba ambapo amehimiza kasi ya ukusanyaji wa mapato na usimamizi wa shughuli za lishe ili kiendelea kutekeleza Ilani ya Chama kwa vitendo.

Aidha Dc Sawala amesema atayasimamia  maagizo yaliyotelewa na kikao hicho sambamba na kusimamia shughuli zote za Serikali ya Awamu ya Sita  kwa maendeleo ya wananchi wa Tandahimba.

Kwa upande wa Wajumbe wa Halmashauri Kuu ya CCM Wilaya ya Tandahimba  wameeleza kuridhishwa na taarifa iliyowasilishwa na Mkuu wa Wilaya  na kupongeza Serikali ya awamu ya Sita inavyotekeleza Ilani kwa Vitendo ndani ya Wilaya ya Tandahimba.