DC SAWALA AWAHIMIZA WANAFUNZI KUSOMA KWA BIDII.

Posted on: November 11th, 2023

Na Kitengo cha Mawasiliano. 

Mkuu wa Wilaya ya Tandahimba Mhe.Kanali Patrick Sawala amewahimiza wanafunzi kusoma kwa bidii ili kufikia malengo yao na kuleta Maendeleo katika Wilaya na Taifa kwa Ujumla.

Akizungumza na Wanafunzi hao kwa nyakati tofauti mwishoni mwa wiki Dc Sawala amesema Serikali ya Awamu ya Sita imeendelea kuboresha mazingira bora ya ufundishaji na ujifunzaji kwa Shule za Sekondari na Msingi ni wajibu wa wanafunzi  kusoma kwa bidii.

"Serikali imeendelea kuboresha mazingira bora ya ufundishaji na ujifunzaji ni  wajibu wenu wanafunzi kusoma kwa bidii ili mfikie malengo mliyojiwekea,hakuna njia mbadala ya kufikia malengo yako bila kusoma kwa bidii," amesema Dc Sawala

Aidha amewasistiza wazazi na walezi kuhakikisha wanafunzi wanakwenda shule ili kuepuka utoro wa reja reja na wakudumu kwa wanafunzi huku akiwataka wazazi na walezi kuhakikisha wanafunzi wanapata chakula shuleni.