Dc Sawala aridhishwa na Ujenzi wa shule ya awali ya mfano

Posted on: September 26th, 2022

Na Kitengo cha Mawasiliano

Mkuu wa Wilaya ya Tandahimba  Mhe.Kanali Patrick Sawala amesema ameridhishwa na mradi wa ujenzi wa vyumba viwili vya madarasa ya awali  ya mfano shule ya msingi Mjimpya kata ya Tandahimba

Ameyasema hayo  alipotembelea  mradi huo unaotekelezwa na fedha   kutoka Serikali Kuu kiasi cha Shilingi Mil.55 ambapo fedha hiyo inajenga  vyumba viwili vya madarasa,ujenzi wa matundu ya vyoo sita na mfumo wa maji

“Nimeridhishwa  na utekelezaji wa mradi huu,umekwenda kwa kasi nzuri lakini pia kwa ubora hivyo watoto wetu wa awali watasoma katika mazingira bora,”amesema Dc Sawala

Naye Mwalimu Mkuu wa shule ya Msingi Mjimpya Ndg.Shaibu  Chinena amebainisha kuwa mradi upo hatua ya ukamilishaji  ikiwa pamoja na kufunga michezo ya watoto