DC SAWALA AONGOZA WATUMISHI NA WANANCHI KUFANYA USAFI WA MAZINGIRA HOSPITALI YA WILAYA

Posted on: December 8th, 2023

Na. Kitengo cha Mawasiliano

Kuelekea Sherehe za Maadhimisho ya Miaka 62 ya Uhuru wa Tanzania Bara Mkuu wa Wilaya ya Tandahimba Mhe. Kanali Patrick Sawala amewaongoza Watumishi na Wananchi kufanya Usafi wa Mazingira katika Hospitali ya Wilaya ya Tandahimba.

Akizungumza leo Disemba 8,2023  mara baada ya kukamilisha kufanya usafi,Dc Sawala amewapongeza wote walioshiriki kwenye zoezi hilo la usafi na kuwasistiza kuendelea kudumisha Amani na Umoja ambayo ni nguzo ya Maendeleo .

Kilele cha Maadhimisho ya Miaka 62 ya Uhuru Wa Tanzania Bara ni Disemba 9,2023 ambapo  Kiwilaya yataadhimishwa  kwa  bonanza la michezo mbalimbali na kisha kukamilisha kwa kufanya Mdahalo kwenye Ukumbi wa Mikutano wa Halmashauri ambapo pia  Mgeni rasmi atakabidhi zawadi mbalimbali kwa wanafunzi washindi wa uandishi wa Insha.