Dc Sawala aongoza Wananchi wa Tandahimba Kuhesabiwa Sensa ya Watu na Makazi mwaka 2022

Posted on: August 23rd, 2022

Na Kitengo cha Mawasiliano

Mkuu wa Wilaya ya Tandahimba Mhe.Kanali Patrick Sawala leo Agosti 23,2022 ameongoza wananchi wa Tandahimba kuhesabiwa katika Zoezi la Sensa ya Watu na Makazi

Akizungumza mara baada ya Kuhesabiwa kwenye makazi yake kitongoji cha Mdenga Agosti 23,2022 Mkuu wa Wilaya ya Tandahimba amesema  zoezi linaendelea kwa amani na utulivu hakuna changamoto kubwa ambayo imejitokeza na wananchi wanaendelea kutoa ushirikiano kwa makarani

“Mimi tayari nimehesabiwa leo natoa wito kwa wananchi wa Tandahimba kuhesabiwa ili kupata takwimu sahihi kwa ajili ya Mipango wa Maendeleo  ya Wilaya yetu na Taifa,”amesema Dc Sawala

Naye Mkurugenzi Mtendaji  Halmsahauri ya Wilaya ya Tandahimba Ndugu.Mussa Gama akizungumza mara baada ya kuhesabiwa  kwenye makazi yake Kitongoji cha barabara ya tatu Kata ya Tandahimba Agosti 23,2022 amesistiza wananchi ambao bado hawajahesabiwa  kuhakikisha wanaacha taarifa sahihi  katika makazi yao

Mbunge wa Jimbo la Tandahimba Mhe.Katani Katani  mara baada ya kuhesabiwa ametoa wito kwa wananchi kuendelea kutoa ushirikiano kwa makarani kwakuwa zoezi hilo linaendelea kwa siku  saba  hivyo litakamilika Agosti 29,2022

“Kama Karani hajafika leo basi atafika kesho zoezi hili linaendelea  kwa siku saba hivyo toa ushirikiano kwa karani ili aweze kupata taarifa sahihi,”amesema Mhe.Katani