BODI YA MFUKO WA ELIMU YAKAGUA MIRADI YA ELIMU YENYE THAMANI YA TSH.MILIONI 261.5 TANDAHIMBA

Posted on: September 7th, 2023

Na Kitengo cha Mawasiliano 

Bodi ya Mfuko wa Elimu Halmashauri ya Wilaya ya Tandahimba imefanya ziara na kukagua Miradi ya Elimu yenye thamani ya Tsh.Milioni 261.5 inayotekelezwa kwa Fedha za Mfuko wa Elimu  sambamba na kukagua Maendeleo ya Kitaaluma kwa Wanafunzi wa Shule za Msingi na Sekondari

Akizungumza wakati wa Ukaguzi huo leo Septemba 7,2023 Mwenyekiti wa Bodi hiyo Ndg.Msham Bakiri  amewasisitiza Walimu kuzingatia taaluma na miiko ya kazi wawapo Shuleni ili kukuza taaluma kwa Wanafunzi akiwataka kuwaelemisha wazazi juu ya Umuhimu wa kuwapeleka watoto Shule

" Nitumie fursa hii kuwaasa Walimu kutimiza wajibu wenu na kuzingatia maadili ya kazi hii, walindeni watoto hawa, lakini pia jengeni mahusiano mazuri na wazazi ili iwe rahisi kwao kuwajibika kuwahudumia watoto wao mahitaji muhimu yanayohitajika," amesema Mwenyekiti wa Bodi

Kwa Upande wake Mwalimu Mkuu wa Shule ya Msingi Mchichira Yusuph  Msuya ameshukuru Mfuko wa Elimu Tandahimba kwa kuendelea kuboresha Elimu  Shuleni hapo kwa kujenga Miundombinu ya  Madarasa ambayo yamesaidia kuondoa upungufu madarasa uliokuwepo hapo awali na kuongeza ufaulu kwa Wanafunzi

Bodi ya Mfuko wa Elimu imekagua vyumba vya madarasa pamoja na matundu ya Vyoo katika Shule za Msingi Ruvuma, Mchichira, Namkomolela, Shule ya Sekondari Dinduma pamoja na ukamilishaji wa  Bweni Shule ya Sekondari Kitama

Aidha fedha za Mfuko wa Elimu Halmashauri ya Wilaya ya Tandahimba hutekeleza shughuli mbalimbali za maendeleo katika sekta ya Elimu.