Baraza la Madiwani Halmashauri ya Tandahimba lapitisha Rasimu ya Mpango wa Bajeti ya mwaka 2023/2024

Posted on: February 6th, 2023

Na Kitengo cha Mawasiliano

Baraza la Madiwani Halmashauri ya Wilaya ya Tandahimba limeridhia kupitisha rasimu ya Mpango wa bajeti  kwa mwaka wa fedha 2023/2024 ambao umekasimia kukusanya na kupokea shilingi Bilioni arobaini na moja milioni mia tano themanini na moja na elfu sabini na sita  elfu(41,581,076,000) kutoka vyanzo mbalimbali  ikiwemo vyanzo vya mapato ya ndani 

Akiwasilisha mapendekezo hayo ya mpango wa bajeti Februari 6,2023 kwa waheshimiwa madiwani Mkurugenzi Mtendaji wa Halmashauri ya Wilaya ya Tandahimba  Ndg.Mussa Gama amesema kuwa katika vyanzo vya mapato ya ndani Halmashauri imejiwekea lengo la kukusanya shilingi Bilioni tano milioni miatano hamsini na nane laki saba ishirini na saba elfu na mia tisa (5,558,727,900)  kwa mwaka wa fedha 2023/2024

Aidha amesema ruzuku kutoka Serikali Kuu Halmashauri kwa mwaka 2023/2024  inatarajia kupata  shilingi 24,804,449,00 kwa ajili ya mishahara,shilingi 3,459,664,000 kwa ajili ya miradi ya Maendeleo , shilingi 940,636,000 kwa ajili ya matumizi mengineyo ,Fedha kutoka  kwa wafadhili shilingi 6,817,599,000 na mapato yanayotokana na michango ya Jamii Halmashauri inatarajia kukusanya shilingi 850,000,000

Kwa upande wa matumizi ya fedha za mapato ya ndani Halmshauri  imekasimia kutumia  shilingi 5,400,000 kwa ajili ya Mishahara,shilingi 1.301,824,040 Miradi ya Maendeleo na matumizi mengineyo shilingi 1,963,764,960`