Miradi ya Maendeleo yote yaridhiwa na Mwenge wa Uhuru

Posted on: October 8th, 2019

Pichani: Wakimbiza Mwenge Kitaifa 2019 wakikagua mradi wa Maji Makonde

Na Kitengo cha Habari na Mawasiliano

Miradi ya Maendeleo   ya Wilaya ya Tandahimba  yenye thamani ya zaidi ya Shilingi Bilioni 1.7 imeridhiwa  baada ya kutimiza viwango na ubora  vinavyotakiwa na Mkimbiza Mwenge wa Uhuru Kitaifa  Mzee Mkongea Ally .

Alisema Katika Miradi hiyo ambayo ameizindua  yote imekidhi vigezo  na ubora unaotakiwa  kama katika miradi ya madarasa lidumbe mtoni,chanzo cha maji mahuta na mradi wa maji Makonde

“Mwenge haupo kwa ajili ya kumuonea mtu wala kumpendelea mtu miradi  hii tunayoizindua imekidhi ubora na vigezo vinavyotakiwa hivyo sisi tumeridhia,na tunawapa hongera kwa kazi  nzuri ya kumuunga mheshimiwa Rais kwa kufanya katika uadilifu” alisema Mkongea Ally

Naye Mkuu wa Wilaya ya Tandahimba Sebastian Waryuba katika taarifa yake kwa   Mkimbiza Mwenge wa Uhuru alisema kuwa maambukizi ya  virusi vya Ukimwi katika Wilaya ya Tandahimba  yamepungua

“Maambukizi ya Virusi vya Ukimwi katika Wilaya yetu yanaonekana kupungua  hii ni hatua nzuri lakini niwaombe wananchi waendelee kuchukua tahadhari kuhusu ugonjwa huu”, alisema Waryuba